Кӯлоб. 25-умси сентябр. ОИ «Азия-Плюс» – Роҳбари шӯъбаи кӯмаки иҷтимоии шаҳри Кӯлоб Маҳмуд Расулов ба ОИ «Азия-Плюс» хабар дод, ки дар моҳи шарифи Рамазон кормандони соҳаи молияи шаҳр ба нафақахӯрони танҳо ва пиронсол бо маводи ғизоӣ ёрӣ мерасонанд. Имрӯз мудири шӯъбаи молияи минтақаи Кӯлоб Шерафкан Азимов ба 50 нафар нафақахӯрони пиронсол маводи ғизоӣ тақсим кардааст.
Ҳамчунин шӯъбаи «Тоҷиксодиротбонк» аз ҳисоби музди меҳнати худ 20 нафар нафақахӯрони мӯҳтоҷро ба маблағи 1200 сомонӣ бо маводи ғизоӣ таъмин намуд.
Дар ин кори хайр ҳамчунин шӯъбаи «Тоҷпромбонк» дар Кӯлоб, ширкати хусусии «Ҳабиб» ва мақомоти шаҳрдорӣ, ки бо ин мақсад 4 ҳазор сомонӣ ҷудо кардааст, саҳм гузоштанд.
