Душанбе. 4-уми октябр. – 10 нафар мутахассиси бонкҳои Тоҷикистон аз сафари Иёлоти Муттаҳидаи Амрико баргашт. Онҳо дар давоми се ҳафта дар бонкҳои калонтарини ин мамлакат таҷриба омӯхтанд. Намояндагони Тоҷикистон дар ин муддат дар хонаҳои сокинони Амрико зиндагӣ карда, бо онҳо аз наздик шинос шуданд .
Ба мутахассисони тоҷик имкон дода шуд, ки бо фаъолияти бонкҳои калонтарини ИМА ва муассисаҳои дигари молиявии Вашингтон шинос шаванд. Онҳо ҳамчунин бо мутахассисон ва мизоҷони бонкҳо ҳамсӯҳбат гардиданд.
Ин сафар ба мутахассисони бонкҳо имкон дод, ки таҷрибаи ҳамкасбони амрикоии худро омӯхта, доираи донишу малакаи кориашонро васеътар намоянд. Онҳо зикр намуданд, ки таҷрибаи беҳтарини зимни сафар омӯхтаашоро дар ҷараёни кор истифода хоҳанд бурд.
