Душанбе. 6-уми октябр – Сухангӯи Вазорати тандурустии Қирғизистон Елена Баялинова ба хабаргузории РИА «Новости» изҳор доштааст, ки мувофиқи маълумоти то соати 13.00 (вақти Маскав) ба онҳо расида, дар ноҳияи Олойи вилояти Ош бар асари заминларзаи дирӯза 72 нафар ба ҳалокат расидаанд. «Корҳои ҷустуҷӯиву наҷотдиҳӣ идома доранд ва ин шумораи фавтидагон ҳоло ниҳоӣ нест», – гуфтааст ӯ.
Муовини сардухтури беморхонаи Ош Темиркан Жорматова ба рӯзноманигорон иттилоъ додааст, ки «аз 24 нафар осебдидагоне, ки ба беморхона оварда шуданд, 7 нафарашон кӯдакон мебошанд». «Осебдидагон асосан ҷароҳатҳои ҷисмонӣ бардошта, узвҳояшон зарбу лат хӯрдаанд ва аксари онон ба ҷарроҳӣ ниёз доранд», – гуфтааст ӯ. Ба гуфтаи табибон, шахсони аз заминларза ҷон ба саломатбурда дар ҳолати шадиди изтироби рӯҳӣ қарор доранд.
