Душанбе. 8-уми октябр. ОИ «Азия-Плюс» – Рӯзи 16-уми октябр ҳайати Палатаи Федералии иқтисодии Ҷумҳурии Австрия таҳти сарварии ноиби президенти ин палата доктор Рихард Шентс ба Тоҷикистон ташриф меорад. Дар ин бора ба ОИ «Азия-Плюс» аз Вазорати умури хориҷии ҷумҳурӣ хабар доданд.
Ба иттилои манбаъ, ҳайати Австрия тақрибан аз 20 намояндаи ширкатҳои соҳаҳои гуногуни саноати ин кишвар иборат буда, боздид бо мақсади таҳким ва густариши муносиботи ҳамкориҳои иқтисодии дуҷониба амалӣ мегардад.
Интизор меравад, ки дар ҷараёни сафвар ҳайати Австрия бо вазири умури хориҷии Тоҷикистон Ҳамрохон Зарифӣ ва мақомоти роҳбарии Вазорати рушди иқтисод ва савдои ҷумҳурӣ дидору гуфтушунид хоҳад кард.
Дар ҳамин ҳол, аз Вазорати умури хориҷии Тоҷикистон иттилоъ доданд, ки ташрифи муовини Сарвазир-вазири корҳои хориҷии Давлати Қувайт, доктор Муҳаммад Сабоҳ Ас-салом Ас-Сабоҳ ба Ҷумҳурии Тоҷикистон, ки бояд рӯзҳои 13-14-уми октябр сурат мегирифт, ба вақти дигар мавқуф гузошта шуд.
