Душанбе. 30-юми июл. ОИ «Азия-Плюс» – Дар бунёди роҳи мошингарди «Душанбе-Хуҷанд-Чаноқ» ба маблағи зиёда аз 220 млн $ корҳои сохтмонӣ анҷом дода шуданд.
Ба гуфтаи мудири иҷроияи Маркази татбиқи лоиҳаи мазкур Қодир Саидов, то имрӯз 233 километри роҳ ба истифода дода шудаааст. «Маблағи умумии марҳилаи аввали лоиҳа 169 млн. доллари ИМА-ро ташкил дода, маблағи умумии марҳилаи дуввум ба 96 млн. $ баробар аст», – гуфт ӯ.
Ба гуфтаи номбурда корҳои асосии сохтмониро дар марҳилаи дуввуми амалисозии лоиҳа мутахассисони Чин ба иҷро мерасонанд. «Дар маҷмӯъ, дар давраи татбиқи марҳилаи дуввум беш аз 2 ҳазору 50 нафар бо кор фаро гирифта мешаванд, ки 509 нафарашро шаҳрвандони Тоҷикистон ташкил мекунанд», – изҳор дошт вай.
Қ.Саидов зикр кард, ки дар давраи татбиқи марҳилаи саввуми лоиҳа, ки арзиши умумиаш ба 30 млн. $ баробар аст, бунёди 23 галереяҳои пешгирии селфароӣ бо дарозии 3 ҳазору
645 метр
ба нақша гирифта шудааст.
