Имрӯз вазири корҳои хориҷии Тоҷикистон Ҳамрохон Зарифӣ ҷиҳати иштирок дар 12-умин нишасти сарони кишварҳои аъзои Созмони ҳамкории исломӣ, ки аз 6 то 7-уми феврали соли 2013 барпо мешавад, ба Қоҳира сафар намуд.
Бино ба маълумоти Вазорати корҳои хориҷии ҷумҳурӣ, дар ҷараёни иҷлоси мазкур суханронии Вазири корҳои хориҷӣ пешбинӣ гардидааст, ки дар он мавқеи Ҷумҳурии Тоҷикистон роҷеъ ба масъалаҳои муҳимме, ки бо онҳо кишварҳои аъзои Созмон рӯ ба рӯ шудаанд, инъикос хоҳад ёфт.
Дар ҳошияи нишаст инчунин баргузории мулоқотҳои дуҷонибаи Вазири корҳои хориҷии кишвари мо бо намояндагони кишварҳои аъзои СҲИ дар назар гирифта шудааст.
Бино ба маълумоти Созмони Милали Муттаҳид оид ба масъалаҳои илм, маориф ва фарҳанг (ЮНЕСКО), рӯзи 11-уми феврал дар шаҳри Париж вазири корҳои хориҷии Тоҷикистон Ҳамрохон Зарифӣ дар маросими бахшида ба оғози Соли байнулмилалии ҳамкорӣ дар соҳаи захираҳои об ширкат меварзад.
