Маълумоти
мақомоти ҳифзи ҳуқуқ
дар бораи яке аз наздикони пешвои марҳуми ҲНИТ ва ИНОТ Сайид Абуддлоҳи Нурӣ будани роҳбари созмони ифротгарои «Ансоруллоҳ» дар Тоҷикистон, сокини деҳаи Самсолиқи ноҳияи Нуробод Амриддин Табаров, ки таҳти пайгарди байнулмилалӣ эълон шудааст, асоси воқеъӣ надорад. Дар ин бора зимни мусоҳиба ба хабарнигори ОИ «Азия-Плюс» муовини раиси ҲНИТ Маҳмадалии Ҳайит изҳори назар кард.
Ба гуфтаи ӯ, Табаров ҳанӯз соли 1994 аз сафи ҲНИТ ва Иттиҳоди нерӯҳои оппозитсияи тоҷик (ИНОТ) хориҷ шуда буд. «Табаров ба нишони эътироз ба мавқеи ИНОТ таҳти сарварии Саийид Абуллоҳи Нурӣ бобати оғози гуфтушунид бо ҳукуматдорони расмии Душанбе оид ба расидан ба сулҳу созиш чунин тасмим гирифта буд», – мегӯяд М.Ҳайит.
«Дар сафҳои ИНОТ афроди ҷудогонае қотеъона мухолифи гуфтушунид бо Душанбеи расмӣ буданд ва онҳо ҳамон замон сафҳои моро тарк гуфта буданд», – зикр кард муовини раиси ҲНИТ.
