Ҳаракатҳои ҷамъиятиву сиёсии «Ватандор» ва «Гурӯҳи 24» ва ҳамчунин раиси ҷиноҳи ғайрирасмии Ҳизби сотсиалистии Тоҷикистон Мирҳусейн Назриев изҳор намуданд, ки аз номзадии номзади пешбаришуда ба мансби президентӣ Ойниҳол Бобоназарова ҷонибдорӣ мекунанд.
Тавре ба ОИ «Азия-Плюс» Абдӯкаюми Қаюмзод, котиби матбуотии ситоди О.Бобоназарова хабар дод, бо изҳороти дастгирӣ аз номзадии О.Бобоназарова онҳо аз ҷонибдорони худ даъват карданд, ки «дар ин лаҳзаҳои ҳассосу пурмасъули ҳаёти сиёсии Тоҷикистон» атрофи номзади макзкур муттахид гардида, дар маъракаи интихоботӣ номзадии ӯро якдилона дастгирӣ кунанд.
