Аз тарафи кормандони Шуъбаи байниноҳиявии Зарафшони Раёсати Агентии назорати маводи нашъаовари назди Президенти ҶТ дар вилояти Суғд дар ҳудуди шаҳри Панҷакент дар гумони даст доштан ба муомилоти ғайриқонунии маводи нашъаовар се сокини маҳаллӣ дастгир карда шуданд.
Бино ба иттилои шуъбаи робита бо ҷомеаи Агентӣ, дар натиҷаи гузаронидани амалиёти думарҳила аз рӯи усули “харидории назоратӣ” кормандони Шуъба аз дастгиршудагон маводи нашъаовари афюн мусодира намуданд. Тавре тафтишоти пешакӣ нишон дод, дастгиршудагон муддати муайян дар ҳудуди ҷамоати Саразми шаҳри Панҷакент бо паҳн намудани афюн машғул буданд.
Гуфта мешавад, аз рӯи ҳодисаи мазкур аз тарафи Шуъбаи тафтишоти Раёсати Агентӣ парвандаи ҷиноӣ бо моддаи 200 қ.1 КҶ ҶТ оғоз гардидааст.
Зимнан зикр мегардад, ки боздоштшудагон ба тавқифгоҳи нигоҳдории муваққатии Раёсати Агентӣ ворид карда шуданд.
