Тибқи пешгӯйии ахири Бонки осиёии рушд (БОР), иқтисоди Тоҷикистон дар солҳои 2026 ва 2027 асосан аз ҳисоби рушди саноат ва соҳаи хидматрасонӣ рушд мекунад. Мувофиқи гузориши ин созмон, Маҷмӯи маҳсулоти дохилӣ (ММД)-и кишвар дар соли 2026-ум 7,3% ва дар соли 2027-ум 6,8% пешгӯӣ мешавад. Дар ҳоле, ки дар соли 2025 болоравӣ 8,4% рушд мекунад.
Дар таҳлили ин созмон, ки имрӯз, 10-уми апрел бо номи “Гузориши рушди Осиё” барои моҳи апрели соли 2026 нашр шуд, гуфта мешавад, ки дар пасманазари афзоиши қарздиҳӣ ва интиқоли маблағ, болоравии пардохти музди меҳнат дар бахши давлатӣ, нуқсонҳо дар занҷираҳои таҳвил ва тасҳеҳи таърифаҳо (тарифҳо) ба хидматрасониҳои коммуналӣ, дар соли 2026 сатҳи тавррум 4,0% ва соли 2027 – 4,5%-ро ташкил диҳад.
“Рушди баланди иқтисоди Тоҷикистон барои ҳаррчи тезтар таъсис додани ҷойҳои корӣ имкон фароҳам месозад. Бо рушди рақобатпазирӣ ва соҳаҳои даромаднок, кишвар метавонад рушди иқтисодиро ба миқдори зиёди ҷойҳои кории хушсифат табдил диҳад, ки афзалияти калидии Стратегияи шарикии мо бо Тоҷикистон маҳсуб меёбад”,- зикр кардааст Ко Сакамото, намояндаи доимии БОР дар Тоҷикистон .
Тайи солҳои ахир истеҳсоли саноатӣ дар Тоҷикистон рушди устувор нишон медиҳад. Ҳамзамон ба иқтисоди кишвар мисли пешина хусусияти начандон кофии заминаи истеҳсолӣ баҳо дода мешавад. Содирот асосан аз ашёи хоми коркарднашуда, инчунин маҳсулоти дорои технологнияи миёна ва паст иборат аст. Камтар аз 10% аз ҳаҷми содирот ба маҳсулоти саноатии дорои арзиши баланди иловашуда рост меояд.
Дар “Гузориши рушди Осиё” ба Тоҷикистон тавсия дода мешавад, ки барномаи маҷмӯавии рушди саноат, ки ба равиши низоми эоклогӣ асос ёфтааст, ҷорӣ карда шавад. Чунин равиши ҳамоҳангшуда бояд аз доираи бахшҳои ҷудогона баромада, дар миқёси низоми экологии тиҷоратии васеъ, аз ҷумла зерсохтор, тайёр кардани қадрҳои ҳирфаӣ, дастрасӣ ба маблағгузорӣ ва ба сурати умум муҳити корӣ, маҳдудиятҳоро бартараф кунад.
Бонки осиёии рушд мададрасони асосии молиявии Тоҷикистон ба шумор рафта, ҳаҷми умумии кумаки он ба ҷумҳурӣ ҳудуди 3 млрд долларо ташкил медиҳад, аз ҷумла зиёда аз 2,2 млрд доллар ба сифати грантҳо.
Стратегияи шарикии БОР бо Тоҷикистон барои солҳои 2026-2030 ба се афзалияти стратегӣ асос ёфтааст:
- ислоҳоти сохторӣ барои беҳбуди тақсимот ва сафарбарии захираҳо;
- баланд бардоштани ҳосилнокии меҳнат аз ҳисоби рушди сармояи инсонӣ;
- мусоидат ба баланд бардоштани сатҳи зиндагӣ аз ҳисоби сармоягузорӣ ба иқтисод.
