Дар се моҳи соли 2026-ум дар мақомоти андоз 11,5 ҳазор соҳибкори нав ба қайд гирифта шуда, 6,2 ҳазор тоҷир фаъолияти худро қатъ кардаанд. Дар ин бора Оҷонсии омори Тоҷикистон хабар медиҳад.
Ба иттилои манбаъ, ҳоло дар кишвар то 349,7 ҳазор соҳикбор фаъолият мекунанд, ки нисбат ба ҳамин давраи соли гузашта 4,3% зиёдтар аст.
Бо таносуби соҳикборон аз рӯи фоиз дар баргаи мо шинос шавед:
Бодя гуфт, ки рушди соҳибкории хурд дар кишвар дар сатҳи давлатӣ дастгирӣ мешавад. Дар Тоҷикистон қонунгузорӣ дар бораи ҳифз ва дастгирии соҳибкорӣ амал мекунад, ки дар он фароҳам сохтани шароити мусоид барои пешбурди тиҷорат, аз ҷумла имтиёзҳои андозӣ, барномаҳои давлатӣ ва дастгирии молиявӣ пешбинӣ шудааст. Аз ҷумла, давлат барномаҳои рушди соҳибкориро амалӣ сохта, тариқи грант ва фондҳои махсус ин самтро дастгирӣ мекунад.
Ғайр аз ин, дар кишвар барномаи давлатии дастгирии соҳибкорӣ барои солҳои 2023-2027 амал мекунад, ки ба рушди соҳибкорӣ ва беҳтар кардани шароити тиҷорат равона шудааст.
Дар ҳамин ҳол, бархе соҳибкорон аз монеаҳо зимни фаъолияташон нигаронӣ мекунанд.
