Давоми моҳҳои январ-марти соли 2026 иқтисоди Тоҷикистон рушди устуворро нишон дод. Тибқи маълумоти пешакии Агентии омори назди президенти ҶТ, ҳаҷми иқтисоди кишвар 35,9 млрд сомониро ташкил дода, дар муқоиса бо ҳамин давраи соли гузашта дар ифодаи воқеӣ ба андозаи 8% афзудааст.
Тавре ки аз маълумоти оморӣ бармеояд, дефлятор (нишондиҳандаи тағйирёбии нархҳо) дар ин давра 7,6%-ро ташкил дод.
Рушди иқтисод бо ҷараёни мусбати соҳаҳои калидӣ – бахши кишоварзӣ, саноат ва сохтмон таъмин шуд. Маҷмӯи арзиши иловагии ин соҳаҳо 84,8%-и ҳаҷми умумии иқтисодро ба вуҷуд оварда, афзоиши 6,9 банди фоизиро таъмин кард.
Ба рушди иқтисод бахши хидматрасонӣ ва соҳаҳои истеҳсолӣ саҳми назаррас гузоштанд. Ба ин тариқ ба рушди умумӣ бахши хидматрасонӣ 4,4 банди фоизӣ ва соҳаҳои истеҳсолӣ – 2,5 банди фоизӣ илова намуданд.
Миёни бахшҳои ҷудогона соҳаҳои зерин саҳми назаррас доранд:
— саноат — 19,1%;
— савдо ва соҳаи хидматрасонӣ (бо шумули меҳмонхона ва тарабхонаҳо) — 18,0%.
Ҳиссаи андозҳои соф дар сохтори иқтисод 15,1%-ро ташкил дода, афзоиши 1,1 банди фоизиро таъмин кард.
Нишондиҳандаи кӯтоҳмуҳлати рушди соҳаҳои асосӣ
Мақомоти Тоҷикистон интизорӣ доранд, ки аз рӯйи натиҷаҳои соли 2026 рушди воқеии иқтисоди кишвар на камтар аз 8%-ро ташкил хоҳад дод.
Дар ҳамин ҳол, ниҳодҳои байнулмилалии молиявӣ нисбатан эҳтиёткорона баҳо медиҳанд. Аз ҷумла:
— Хазинаи байнулмилалии асъор рушди иқтисоди Тоҷикистонро дар сатҳи ҳудуди 6-7% пешгӯӣ мекунад.
— Бонки ҷаҳонӣ аз рушд дар ҳудуди 5-6% интизорӣ дорад.
— Бонки осиёии рушд дарнамои рушдро тақрибан ҳудуди 6% арзёбӣ мекунад.
— Бонки авруосиёии рушд сатҳи рушди иқтисоди Тоҷикистонро ҳудуди 7% пешбинӣ мекунад.
Ёдрас мекунем, ки аз рӯйи натиҷаҳои соли 2025 рушди воқеии иқтисоди Тоҷикистон 8,4%-ро ташкил дода, ҳаҷми Маҷмӯи маҳсулоти дохилӣ (ММД) қариб ба 176,9 млрд сомонӣ (ҳудуди 19 млрд доллар) расид.
