Президенти Тоҷикистон Эмомалӣ Раҳмон дар вохӯрии ғайрирасмии сарони кишварҳои узви ИДМ, ки рӯзи 8 май дар остонаи ҷашни Рӯзи Ғалаба дар шаҳри Маскав доир мегардад, иштирок мекунад. Дар ин бора ба «Азия-Плюс» як манбаъ аз ҳукумати ҷумҳурӣ хабар дод.
Бино ба иттилои манбаъ, дар доираи нишасти ғайрирасмии сарони кишварҳои ИДМ дидору гуфтушуниди Эмомалӣ Раҳмон бо як қатор ҳамтоёнаш аз кишварҳои Иттиҳод дар назар аст.
Қобили зикр аст, ки ҳукумати Русия се нафар собиқадорони ҶБВ аз Тоҷикистонро ба Маскав барои иштирок дар гузашти низомии идонаи рӯзи 9 май бахшида ба 70-умин согарди Ғалаба дар ҶБВ
даъват кард.
Боз ҳафт нафар собиқадорони ҷанг аз Тоҷикистонро ҳукумати Русия барои иштирок дар Базм (бал)-и ғолибон, ки рӯзи 9 май низ дар шаҳри Маскав доир мегардад, даъват намудааст.
