Муовини котиби давлатии ИМА Даниэл Розенблум соли равон маротибаи дуюм ба Душанбе ташриф меорад.
Тавре ба «Азия-Плюс» як манбаъ аз ҳукумати ҷумҳурӣ хабар дод, дипломати амрикоӣ рӯзи 24 апрел бо сафари якрӯзаи корӣ ба Душанбе меояд.
Ба иттилои манбаъ, дар ҷараёни сафар ӯ бо намояндагони ҳукумати Тоҷикистон дидору гуфтушунид анҷом дода, маҷмӯи масоили дуҷониба ва сатҳи байнулмилалӣ, густариши робитаҳо дар бахши таъмини амният, муқовимат ба терроризм ва қочоқи маводи мухаддир ва дигар масъалаҳои мавриди таваҷҷуҳи тарафайнро баррасӣ мекунад.
Даниэл Розенблум муовини ёвари Котиби давлатии ИМА оид ба кишварҳои Осиёи Марказӣ дар Департаменти давлатӣ мебошад. Даниэл Розенблум дар Бюрои Департаменти давлатӣ оид ба кишварҳои Осиёи Ҷанубӣ ва Марказӣ фаъолият намуда, маъсули сиёсати ИМА ва муносибатҳои дипломатӣ бо панҷ кишвари Осиёи Марказӣ, аз қабили Қазоқистон, Қирғизистон, Тоҷикистон, Туркманистон ва Ӯзбекистон мебошад.
Қобили зикр аст, ки Даниэл Розенблум аввали моҳи феврали соли 2015
бо сафари серӯза
аз Тоҷикистон боздид намуда буд.
