Дар саҳифаи Давлати исломии Ироқу Шом (ДИИШ) дар шабакаҳои иҷтимоӣ доир ба ҳалокати боз 5 нафар тоҷикистониёндар сафҳои Давлати исломӣ хабар дода шуд.
Рӯзи 20 апрел дар саҳифаи корбарони тоҷики шабакаи иҷтимоии «Одноклассники», ки дар сафҳои ДИИШ меҷанганд, дар бораи ҳалокати як тоҷик бо лақаби Сайфулло дар Ироқ маълумот мунташир шуд. Қаблан рӯзи 17 апрел дар бораи ҳалокати Абдурақиб-ат-тоҷикӣ, ки дар шарҳҳо Юсуф меноманд ва рӯзи 18 апрел дар бораи ҳалокати як тоҷикистонии дигар бо лақаби Абу Умайр иттилоъ дода шуда буд.
Санаи 15 апрел дар бораи фавти Абӯ Маҳдӣ Тоҷик, ки дар шарҳҳо аз ӯ Муҳаммад Эҳсон ном бурда мешавад, маълумот дода шуд. Дар ҳамин ҷо зикр мегардад, ки рӯзи 12 апрел як тоҷикистонӣ назди ситоди полки 4-уми артиши Ироқ автомашинаи зиреҳпӯши мингузоштаро тарконидааст.
Ёдрас мекунем, ки рӯзи 21 апрел кормандони Хадамоти федералии амнияти Русия
як шаҳрванди 20-солаи Тоҷикистонро
, ки ба узвият дар созмони террористии ДИИШ ва содир кардани амалҳои террористӣ даъват мекард, дар шаҳри Архангелски Русия боздошт намуданд.
Дар ҳамин ҳол, аввали ҳафтаи равон зимни вохӯрии роҳбарони мақомоти зидди маводи нашъаовари кишварҳои узви СҲШ дар шаҳри Маскав директори Агентии назорати маводи нашъаовар (АНМН)-и назди президенти ҶТ Рустам Назарзода
изҳор намуд,
ки дар музофотҳои минтақаи шимоли Афғонистон бархе аз дастаҳои ҳаракати «Толибон» ба сафи ҷангиёни созмони террористии «Давлати исломӣ» пайвастаанд.
