Дар Душанбе рӯзи 8 сентябри соли равон вазири корҳои хориҷии Ҷумҳурии Тоҷикистон Сироҷидин Аслов бо Ҳамоҳангсози доимии Созмони Милали Муттаҳид ва Намояндаи доимии Барномаи рушди СММ (БРСММ) дар Тоҷикистон Александр Зуев мулоқот кард.
Бино ба иттилои Вазорати корҳои хориҷии ҶТ, зимни мулоқот масъалаҳои иштироки ҳайати Ҷумҳурии Тоҷикистон дар Маҷмаи Умумии СММ, аз ҷумла чорабинии сатҳи баланд роҷеъ ба натиҷаҳои татбиқи даҳсолаи байналмилалии амал “Об барои ҳаёт” 2005-2015, ки ҷониби Тоҷикистон дар чаҳорчӯби Саммити СММ-2015 рӯзи 27 сентябри соли равон дар ш. Ню-Йорк баргузор менамояд, мавриди баррасӣ қарор гирифтанд.
Гуфта мешавад, инчунин ҷонибҳо раванди татбиқи лоиҳаҳои СММ-ро, ки дар Ҷумҳурии Тоҷикистон амалӣ мегарданд, муҳокима карданд.
