Вазири корҳои хориҷии Ҷумҳурии Тоҷикистон Сироҷидин Аслов рӯзи 14 декабри соли равон кордори сафорати Шоҳигарии Арабистони Саудӣ дар Тоҷикистон Ҳамза Бахит ал-Ҳарбиро ба ҳузур пазируфт.
Бино ба иттилои Вазорати корҳои хориҷии ҷумҳурӣ, зимни суҳбат масъалаҳои мубрами муносибатҳои дуҷониба ва дурнамои тавсеаи ҳамкориҳои Тоҷикистон ва Шоҳигарии Арабистони Саудӣ дар арсаҳои мухталиф баррасӣ шуданд.
Гуфта мешавад, ҳамчунин дар робита ба такмили пояи қарордодию ҳуқуқии ҳамкориҳои дуҷониба табодули назари судманд сурат гирифт.
