Муовини аввали раиси Ҳизби халқии демократии Тоҷикистон Саидмурод Фаттоҳзода сафири тозатаъини Чин дар Тоҷикистон Юе Бинро ба ҳузур пазируфт.
Котиби матбуотии ҲХДТ Усмон Солиев ба «Азия-Плюс» дар ин робита иттилоъ дод, ки зимни вохӯрӣ миёни ҷонибҳо атрофи вазъи иқтисодиву иҷтимоӣ дар Тоҷикистон, минтақа ва ҷаҳон, фаъолияти ҲХДТ ва фраксияи он дар парлумон, рушди муносибатҳои ҲХДТ бо Ҳизби коммунисти Чин, нақши аҳзоби дигари Тоҷикистон дар ҳаёти сиёсиву иҷтимоии ҷумҳурӣ ва дигар масоили мавриди таваҷҷуҳи тарафайн табодули назар сурат гиифт.
С.Фаттоҳзодаизҳори итминон кард, ки муносибатҳои дар ҳоли рушд қарордоштаи Тоҷикистону Чин ҳам бар асоси дуҷониба ва ҳам дар доираи созмонҳои байнулмилалӣ аз қабили Созмони ҳамкори Шанхай, амалисозии лоиҳа оид ба эҳёи Роҳи бузурги Абрешим ба манфиати ҳарду кишвар мусоидат хоҳанд кард.
Дар навбати худ дипломати чинӣ изҳори бовар кард, ки кишвари ӯ дар симои Тоҷикистон ва мардуми он шарики боэътимоду содиқро мебинад ва ӯ ҳамчун сафири Чин баҳри густариши бештари шарикии стратегии кишварҳо ҳамаҷониба саъйу талош хоҳад варзид.
