Иттиҳодияи ҷаҳонии гуштӣ узви дастаи мунтахаби Тоҷикистон оид ба гуштии озод Зелимхон Юсуповро аз ҳаққи иштирок дар мусобиқот ба муддати 4 сол маҳрум кард.
Зелимхон Юсуов аз ҷониби комиссияи зидди допинг ба истифодаи допинг дар ҷараёни мусобиқоти қаҳрамони Осиё оид ба гуштии озод дар Қатар гунаҳкор дониста шудааст.
Моҳи майи соли равон баъди қуваозмоии финалӣ дар мусобиқоти қаҳрамони Осиё дар Қатар аз Зелимхон Юсупов барои ташхис пешоб гирифта шуда, натиҷаи он нишон додааст, ки дар бадани варзишгар доруи истифодааш манъшудаи «диметилбутиламин» вуҷуд доштааст. Ин дору дар рӯйхати маводи манъшудаи Агентии байнулмилалии зидди допинг (WADA) зикр гардидааст.
Ҳамин тариқ Зелимхон Юсупов аз медали нуқраи мусобиқаи қаҳрамонии Осиё маҳрум гардида, он ба варзишгари қирғиз Эламан Догдурбек уулу супурда мешавад.
Ғайр аз ин, Зелимхон Юсупов аз гирифтани стипендия дар ҳаҷми 1 ҳазор доллари ИМА, кидар доираи омодагӣ ба озиҳои олимпии Рио-де-Жанейро дастрас мекард, низ марҳур карда мешавад.
Бино ба иттилои
Радиои Озодӣ
, Кумитаи миллии олимпии Тоҷикистон дар пайи моҷарои допинг Зелимхон Юсуповро аз рӯйхати номзадҳо ба дастаи мунтахаби олимпӣ инз хориҷ кардааст.
Зелимхон Юсупов зода ва сокини Ҷумҳурии Доғистони Русия буда, ба узвияти дастаи мунтахаби Тоҷикистон ба сифати «леионер» пазируфта шудааст.
