Кормандони милитсия сокини ноҳияи Рӯдакӣ, як зани 52-соларо ба гумони даст доштан дар муомилоти ғайриқонунии маводи мухаддир боздошт намуданд.
Бино ба иттилои маркази матбуоти ВКД тоҷикистон, ҳангоми кофтукови шахсӣ аз дохили борхалтаи дастгиршуда 390 грамм маводи нашъадори навъи ҳашиш дарёфт ва мусодира карда шудааст.
Гуфта мешавад, инчунин дар вақти азназаргузаронии хонаи истиқоматии ӯ иловатан 1 килою 446 грамм маводи нашъадори ҳашиш дарёфт ва мусодира гардида, ҷамъи маводи нашъадори дарёфшуда 1 килою 836 граммро ташкил медиҳад.
Зимнан зикр мегардад, ки нисбати далели мазкур парвандаи ҷиноятӣ оғоз шуда, тафтишот идома дорад.
