Вазири корҳои хориҷии Олмон Франк-Валтер Штайнмайер чанде қабл ба сафараш ба кишварҳои минтақаи Осиёи Марказӣ оғоз карда, нахуст ба Ӯзбекистон ташриф овард ва зимни мулоқот бо вазири корҳои хориҷии кишвари ҳамоя Абдулазиз Комилов ва президенти ин кишвар Ислом Каримов мушкилоти минтақавӣ ва байнулмилалиро баррасӣ карда, ҷонибҳо атрофи мушкилоти минтақа ва ҷаҳон табодули назар намуданд.
Бино ба
маълумоти
агентии UzReport, Ислом Каримов қайд кардааст, ки «боздид аз шаҳри Самарқанд дар доираи ин сафар ба Франк-Валтер Штайнмайер имкон медиҳад, ки бо таъриху фарҳанги ин мардуми кӯханбунёд аз наздик ошно гардад».
Дар ҳамин ҳол, хабаргузории REGNUM
менависад
, дар робита ба муҳим будани минтақаи Осиёи Миёна барои Олмон Штайнмайер изҳор доштааст, ки «Осиёи Миёна минтақаи стратегӣ буда, бо аксар вақт дар сояи таваҷҷуҳи байнулмилалӣ қарор доштан, дар ин ҷо манфиатҳои кишварҳои абарқудратӣ минтақавӣ – Русия, Чин ва Эрон паҳлӯи ҳам меоянд».
Ба гуфтаи вазир олмонӣ, минтақа дорои «имконоти бузурги иқтисодӣ ва ҳамзамон хатарҳои назаррас барои субот мебошад, ки берун аз таваҷҷуҳи мо буда наметавонанд».
«Ҳамзамон барои таҳкими робитаҳои ҷамъиятӣ, фарҳангӣ ва иқтисодии мо бо кишварҳои Осиёи Марказӣ имконоти зиёд вуҷуд дорад. Аз ин рӯ, барои Олмон муҳим аст, ки дар ин минтақа фаъол бошад», – иброз доштааст Штайнмайер.
Қобили зикр аст, ки имрӯз 31 март вазири корҳои хориҷии Олмон ба Қирғизистон ташриф оварда, пагоҳ, 1 апрел сафари расмии ӯ ба Тоҷикистон дар назар аст.
