Як шаҳрванди Тоҷикистон, ки бо шиносномаи сохта марзи Қирғизистон бо Қазоқистонро гузаштанӣ буд, аз ҷониби сарҳадбонони қирғиз боздошт шуд.
Бино ба
маълумоти
маркази матбуоти Хадамоти давлатии сарҳадбонии Қирғизистон, рӯзи 11 август яке аз гузаргоҳҳо марзбонон шаҳрванди Тоҷикистонро барои кӯшиши убури ғайриқонунии марз боздошт кардаанд.
Гуфта мешавад, зимни санҷиши шиноснома шаҳрванди Тоҷикистон шиносномаи хориҷиро пешниҳод намудааст, ки ба номи шаҳрванди Қирғизистон дода шудааст ва дар он марзбонон аломатҳои сохтакориро ошкор кардаанд.
«Тоҷикистоние, ки кӯшиши убури марзи давлатии Қирғизистону Қазоқистонро дошт, ба барои дарёфти кор ба Қазоқистон рафтанӣ будааст», – таъкид мешавад дар маълумот.
Зимнан зикр мегардад, ки пас аз анҷоми расмиёти ҳуҷчатҳои дахлдор, боздоштшуда ба ихтиёри кормандони воҳиди минтақавии КДАМ Қирғизистон супурда шудааст.
