Ширкати ҳавопаймоии «Сомон Эйр» оиди бекор кардани парвозҳо аз рӯйи самти Душанбе-Лоҳур-Душанбе ва Душанбе-Кобул-Душанбе эълон мекунад.
Чунин тадбир хусусияти муваққатӣ дошта, бо сабаби кам будани теъдоди мусофирон вобаста мебошад. Ширкати ҳавопаймоӣ оиди барқарор кардани парвозҳо ба Лоҳур ва ба Кобул Шуморо қаблан огоҳ хоҳад кард.
Хотиррасон мекунем, ки ширкати ҳавопаймоӣ қаблан маҷбур буд, ки миқдори парвозҳоро ба самти Душанбе-Лоҳур-Душанбе аз ду хатсайр дар як ҳафта ба як хатсайр коҳиш диҳад. То лаҳзаҳои охирон хатсайрҳои Душанбе-Лоҳур-Душанбе рӯзҳои душанбе иҷро мегардиданд. Аммо бо сабаби камшавии теъдоди мусофирон дар ин самт, ширкати ҳавопаймоӣ маҷбур аст, ки парвозҳоро ба самти мазкур муваққатан манъ кунад.
Феълан ширкати ҳавопаймоии «Сомон Эйр» парвозҳоро аз Тоҷикистон дар самти Олмон, АМА, Туркия, Хитой, Россия ва Қазоқистон бомуваффақият иҷро мекунад. Пойгоҳи ширкати ҳавопаймоии «Сомон Эйр» аз ҳавопаймоҳои Боинг 737-300, -800 ва -900 иборат мебошад.
