Дар Олимпиадаи байнулмилалии наврасони Осиё аз фанни математика, ки рӯзҳои 14-20 август дар Таиланд доир гардид, толибилмони Тоҷикистон 4 медали биринҷӣ ба даст оварданд.
Толибилмони синфҳои 7, 8 ва 9-уми Литсей-интернати Тоҷикистону Русия «Ҳотам ва П.В.». Шоҳрух Исоматов, Наим Хонҷонов ва Меҳрон Бобохонов ва хонандаи синфи 9-уми Литсей барои кӯдакони лаёқатманд Парвиз Алиев ба дарёфти медалҳои Олимпиада шарафёб гардида, дар рақобати умумидаставӣ Тоҷикистон 190 балл касб кардааст.
Ёдрас мекунем, ки ҳамин моҳ дар Олимпиадаи байнулмилалӣ аз фанни информатика дар шаҳри Қазони Русия толибилмони Тоҷикистон 1 медали нуқра ва 1 медали биринҷӣ
ба даст оварда
, бо дарёфти 860 имтиёз Тоҷикистон қариб аз нисфи дастаҳои иштирокчии Олимпиада (88 даста) пеш гузашта буд.
