Дар вилояти Суғд ҳолатҳои куштори корманди нуқтаи мубожилаи асъор, ки 4 сол қабл содир гардида буд, ошкор шуд.
Аз Раёсати ВКД ҶТ дар вилояти Суғд ба «Азия-Плюс» иттилоъ доданд, ки ба гумони даст доштан дар ин куштор сокини 33-солаи шаҳраки Пролетар А.И. боздошт шудаааст.
Ба иттилои манбаъ, боздоштшуда тайи ин солҳо дар хориҷи кишвар қарор дошта, то даст задан ба ин куштор низ, ба содир кардани дигар ҷиноятҳо, аз ҷумла ғоратгарии аҳолӣ машғул будааст.
Зимнан зикр гардид, ки нисбати гумонбаршуда мутобиқи модадхои 104, қ. 2 (Одамкушӣ) парвандаи ҷиноӣ боз шуда, ӯ ҳамчунин дар содир кардани ҷиноят мутобиқи моддаҳои 244 (Дуздӣ) ва 249 (Роҳзанӣ) низ гумонбар дониста мешавад.
Ҳодисаи мазкур 25 ноябри соли 2012 рух дода буд. Субҳи ҳамин рӯз дар кӯчаи Рӯдакии ноҳияи Ҷаббор Расулов, рӯ ба рӯи бозор корманди нуқтаи мубодиалаи асъор Олим Мирҳалимови 26-сола кушта шуд. Дар ҷисми ӯ захми се корд дарёфт шуда, то ҳанӯз ин ҷиноят ошкорнашуда боқӣ монда буд.
