Нахуствазири Русия Дмитрий Медведев аз шумори зиёди ҳимояи рисолаҳои докторӣ ва номзадӣ, ки соли гуашта дар Шӯроҳои диссертатсионӣ дар Тоҷикистон сурат гирифтаанд, изҳори тааҷҷуб кардааст.
Зимни вохӯрӣ бо иштирокчиёни ҳамоиши “Рушди маълумоти олӣ” дар Санкт-Петербург ӯ гфтааст, дар “Гузориши фаъолияти шабакаи шӯроҳои диссетатсионӣ” баъзе шӯроҳо, аз ҷумла аз рӯи шумори ҳимояҳои докторӣ ва номзадӣ дар соли 2015 зикр ёфтаанд.
“Ҳеҷ чизи баде гуфтанӣ нестам, вале танҳо далел меорам: Донишгоҳи миллии Тоҷикистон ва Академияи таҳсилоти Тоҷикистон дар зинаҳои якум ва дуюм қарор доранд, ки дар соли 2015 дар онҳо 40-тогӣ рисолаҳои докторӣ ва номзадӣ ҳимоя шудаанд. Ин касро ба фикр кардан водор месозад”, – таъкид доштааст нахуствазири Русия.
Қобили зикр аст, ки унвонҳои илмӣ дар Тоҷикистон бо қарори шӯроҳои коршиносони Комиссияи олии аттестатсионӣ (ВАК)-и назди Вазорати маориф ва илми Русия дода мешаванд.
Дар ҳамин ҳол, Ирина Каримова, раиси Шӯрои илмии Академияи таҳсилоти Тоҷикистон дар суҳбат бо Озодӣ дар ин робита гуфтааст: “Ҳамаи корҳои илмии унвонҷӯён, ки дар Шӯрои илмии мо тасдиқ шудааст, то ба ҳол нагаштааст (манзур ВАК-и Русия онро тасдиқ кардааст). Ягон кори мо барнагаштааст ва барои ҳамин бисёр хурсанд ҳастем. Туф-туф, чашм нарасаду лекин мо дар оянда ҳам тамоми чораҳоро меандешем, ки сифати корҳои илмӣ баланд бошад”.
Тоҷикистон ду сол қабл тасмим гирифта буд, ки дар назди Вазорати илм ва маорифи Тоҷикистон Комиссияи олии аттестатсионӣ таъсис дода, мустақилона ба олимон унвони доктори илм ё PhD-ро диҳад, амоо ин ташаббус танҳо дар коғаз боқӣ монда, мисли пешни унвонҳо ба олимони тоҷикро Комиссияи олии аттестатсионии Русия медиҳад.
