Ду бародарон аз ноҳияи Рӯдакӣ ба шаҳрвандони соддаву зудбовар ба маблағи 50 ҳазор доллари ИМА қитъаҳои замин фурӯхтаанд.
Дафтари матбуоти ВКД Тоҷикистон дар ин робита менависад, зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шудааст, ки марди 34-солаи сокини ноҳияи Рӯдакӣ ва бародари 37-солааш солҳои 2013 ва 2014 бо роҳи фиреб ва сӯиистифодаи боварӣ аз марди 33-солаи сокини ноҳияи Рӯдакӣ – 16 ҳазору100, аз марди 51-солаи сокини ноҳияи Вахш -25 ҳазор ва аз зани 37-солаи сокини ноҳияи Рӯдакӣ 9 ҳазор доллари ИМА-ро гирифта, ба онҳо ғайриқонунӣ аз ҳисоби ҷамоати деҳоти Чимтеппаи ноҳияи Рӯдакӣ худсарона замини наздиҳавлигӣ ҷудо карда додаанд.
Гуфта мешавад, нисбати далелҳои мазкур парвандаи ҷиноятӣ оғоз гардида, тафтишот идома дорад.
