Ду бонки Тоҷикистон бори нахуст ба феҳристи бонкҳои бузаргтарини паҳнои Иттиҳоди Давлатҳои Мустақил, ки ҳамасола аз ҷониби агентии рейтингии «РИА Рейтинг» омода мешавад, шомил шуданд.
Маълумот барои рейтинги «200 бонкҳои бузургтарини ИДМ-2016» чун солҳои пешин аз сарчашмаҳои кушод – ҳисоботҳои интишоршудаи бонкҳо, варақаҳои оморӣ ва дигар ҳисоботи бонкҳои марказии ИДМ гирифта шуда, рейтинги имсола аллакай шашум рейтинги ҳамасолаи бонкҳои ИДМ аз рӯи ҳаҷми дороиҳо мебошад.
«Аз тақрибан 1 ҳазор бонкҳои кишварҳои ИДМ ба шумори 200 бонкҳои бузургтарин бонкҳои 11 кишвар дохил гардида, рӯйхати кишварҳо нисбат ба рейтинги соли гузашта боз як мавқеъ (Тоҷикистон) зиёд шуд», – қайд мекунанд муаллифони рейтинг.
.JPG)
ИЗОБРАЖЕНИЕ
Ҳамин тариқ, ҶСК «Агроинвестбонк» бо дороии 550 млн. доллари ИМА ва ҳиссаи 21%-и дороиҳо дар низоми бонкии Тоҷикистон ба санаи 1 январи соли 2015 дар зинаи 190-ум ва ҶСК «Тоҷиксодиротбонк» бо дороии 530 млн. доллари ИМА ва ҳиссаи 20,4%-и дороиҳо дар низоми бонкӣ ба аввали соли гузашта мақоми 193-умро касб кардаанд.
