Кумитаи ҷавонон, варзиш ва сайёҳӣ бо мақсади мусоидат барои роҳ ёфтани рақобати озоду солим дар бозори сайёҳии кишвар ба 7 ширкати нави сайёҳӣ иҷозатномаи фаъолият дод.
Бино ба иттилои дафтари матбуоти Кумита, инҳо ширкатҳоиҶДММ «Элит Тур», ҶДММ «АЛП Сомон Тур», ҶДММ «Ҷаҳонгард», ҶДММ «Ҷавонони роҳи Абрешим»,ҶДММ «Фалкон»,ҶДММ «Интурист»ва ҶДММ «Сайёҳон» мебошанд.
Гуфта мешавад, айни замон дар ҷумҳурӣ 118 ширкати сайёҳӣ дорои иҷозатномаи фаъолияти сайёҳӣ мебошанд, ки ин нишондод нисбат ба ҳамин давраи соли 2015, 14 адад зиёд мебошад.
Зимнан зикр мегардад, ки аз 118 ширкати амалкунанда 53 ададаш бо сайёҳии содиротӣ машғул буда, шумораи боқимонда танҳо ба ҷалб кардани сайёҳони хориҷӣ ба кишвар фаъолият карда истодаанд.
-Ширкатҳои туристӣ ҳидоятҳои саривақтӣ ва бомавриди Роҳбарияти Олии сиёсии кишварро чун ҳамешагӣ дастгирӣ намуда, бо дарки масъулияти баланди хеш бобати омодасозии барномаҳои мухталифи ҷолиб дар риштаи сайёҳии воридотӣ ва ҷалби ҳарчи бештари шаҳрвандони хориҷӣ ба кишвар, тамоми кўшишҳои хешро ба харҷ дода истодаанд, – гуфтааст Назарзода Ризо, муовини раиси Кумита.
Қобили зикр аст, ки дар раддабандии кишварҳои амнтарин миёни 141 кишвар Тоҷикистон мақоми 76-ро муаррифӣ мекунад. Ин рейтинг аз сӯи Форуми ҷаҳонии иқтисодӣ (WEF) таҳия шудааст.
