АНОНС
– Дар Осорхонаи миллии Тоҷикистон маросими ифтитоҳи намоиш таҳти унвони «Дар мубориза зидди миллатгароӣ мо ҳама якҷо будем» баргузор мешавад. Намоиш дар ҳамдастӣ бо Осорхонаи марказии Ҷанги Бузурги Ватании солҳои 1941-1945 (ш.Маскав) созмон дода шудааст. Оғоз соати 11-00;
– Дар маҷмааи давлатии «Кохи Борбад» рӯзҳои 4-6 май дар доираи лоиҳаи «Тамғаи писандидаи Тоҷикистон-2017» намоиш-ярмаркаи маҳсулот ва хизматгузориҳо доир мегардад. Вақти кори намоиш-ярмарка аз соати 10:00 то 18:00 буда, воридшавӣ бепул аст.
ҚУРБИ АСЪОР
Қурби асъор нисбат ба сомонӣ (асъори миллии Тоҷикистон), ки Бонки миллии ҷумҳурӣ ба ин сана муқаррар кардааст:
1 доллари ИМА – 8.4998 сомонӣ;
1 евро – 9.2818 сомонӣ;
1 рубли русӣ – 0.1516 сомонӣ.
ЯК РӮЗИ ТАЪРИХ
1949 – Таъсиси Созмони Аҳдномаи Атлантикаи Шимолӣ (НАТО).
1935 – Мавриди истифода қарор гирифтани фабрикаи маъдантозакунӣ дар кони Такелӣ (дар қаламрави ҳозира ноҳияи Мастчоҳи вилояти Суғд).
1992 – Ифтитоҳи Сафоратхонаи Русия дар Тоҷикистон.
2009 — Директори генералии ЮНЕСКО Коичиро Матсуура аз Тоҷикистон боздид намуда, ба Эмомалӣ Раҳмон медали тиллои ба номи Румиро тақдим кард.
1905-1943 – Зодрӯзи нависанда-ҷанговар Ҳаким Карим.
1912-1974 – Мавлуди шоир Тилло Пӯлодӣ.
1914-1985 – Зодрӯзи оҳангсоз, дорандаи Ҷоизаи давлатии ба номи Абӯабудуллоҳи Рӯдакӣ Зиёдулло Шаҳидӣ.
1932 – Мавлуди академик Рашид Раҳимов.
1944 – Зодрӯзи биолог Неъматулло Сафаров.
1955 – Мавлуди оҳангсоз Шариф Бедаков.
ВАЗЪИ ОБУҲАВО
Дар вилояти Суғд — Обуҳавои тағйирёбанда, дар баъзе ноҳияҳои доманакӯҳ борони кӯтоҳмуддат меборад.
Ҳарорат: дар водиҳо шабона +9+14, рӯзона +24+29; дар доманакӯҳҳо шабона +1+6, рӯзона +12+17.
Дар вилояти Хатлон — Обуҳавои тағйирёбанда, борони кӯтоҳмуддат, раъду барқ.
Ҳарорат: дар водиҳо шабона +10+15, рӯзона +27+32; дар доманакӯҳҳо шабона +5+10, рӯзона +21+26.
Дар Вилояти Мухтори Кӯҳистони Бадахшон — Обуҳавои тағйирёбанда, баъзан борони кӯтоҳмуддат меборад.
Ҳарорат: дар ғарб шабона +3+8, рӯзона +17+22; дар шарқ шабона -4-9, рӯзона +2+7.
Дар Ноҳияҳои тобеи марказ — Обуҳавои тағйирёбанда баъзан борони кӯтоҳмуддат, раъду барқ.
Ҳарорат: дар водиҳо шабона +7+12, рӯзона +24+29; дар доманакӯҳҳо шабона +3+8, рӯзона +16+21.
Дар шаҳри Душанбе — Обуҳавои тағйирёбанда, борони кӯтоҳмуддат, раъду барқ.
Ҳарорат: шабона +9+11, рӯзона +26+28.
Дар шаҳри Хуҷанд — Обуҳавои тағйирёбанда, бидуни боришоти назаррас.
Ҳарорат: шабона +11+13, рӯзона +27+29.
Дар шаҳри Қӯрғонтеппа — Обуҳавои тағйирёбанда, бидуни боришоти назаррас.
Ҳарорат: шабона +12+14, рӯзона +28+30.
Дар шаҳри Хоруғ — Обуҳавои тағйирёбанда, борони кӯтоҳмуддат меборад.
Ҳарорат: шабона +5+7, рӯзона +17+19.
