Раиси шаҳри Душанбе Рустами Эмомалӣ бо сафири Фаронса дар Тоҷикистон хонум Ясмин Гуедар мулоқот карда, зимни вохӯрӣ ҳолати кунунӣ ва дурнамои муносибатҳои ҳамкорӣ миёни мақомоти иҷроияи ҳокимияти давлатии шаҳри Душанбе ва Ҷумҳурии Фаронса мавриди музокирот қарор дода шуд.
Бино ба иттилои дафтари матбуоти мақомоти шаҳрдории пойтахт, дар мулоқот зикр гардид, ки соли 2019 дар Фаронса баргузории нахустин Намоишгоҳи Тоҷикистон пешбинӣ шудааст, ки он дастовардҳои кишварро аз асри биринҷ то имрӯз фаро мегирад.
Ҷонибҳо ба рушди ҳамкориҳои иқтисодиву тиҷоратӣ ва иҷтимоиву фарҳангӣ аҳамияти аввалиндараҷа дода, таъкид намуданд, ки Фаронса ва Тоҷикистон дорои имконият ва захираҳои фаровони ҳамкориҳои гуногунҷанба мебошанд.
Зикр гардид, ки ҳамкориҳои Тоҷикистону Фаронса дар мисоли сохтмон ва азнавсозии Фурудгоҳи байналмилалии Душанбе назаррас буда, бо мусоидати ширкатҳои Фаронса ояндаи наздик корҳои васлу танзими таҷҳизоти бунгоҳи дистпечириву назоратии фурудгоҳи байналмилалии Душанбе анҷом дода мешавад. Бунёди маркази савдои "Ашан" дар Душанбе аз ҳамкориҳои дигари мутақобилан судманди ҷонибҳо маънидод гардид.
Ҳамчунин ҷониби Фаронса изҳор намуд, ки ояндаи наздик дар Душанбе сохтмони Институти модару кӯдакро ба нақша гирифтааст.
