Вакилони Маҷлиси намояндагони Маҷлиси Олии Тоҷикистон пас аз ҷаласаи хотимавии иҷлосияи сеюми даъвати панҷум, ки санаи 30 июн доир мегардад, аз 1 июл ба таътили тобистона мебароянд.
Тавре аз палатаи поёнии парлумони ҷумҳурӣ иттилоъ доданд, дар ҷаласаи хотимавӣ раиси Маҷлиси намояндагон Шукурҷон Зуҳуров доир ба корҳои иҷрошуда дар ин давра ҳисобот медиҳад.
Рухсатии вакилони мардумӣ то 15 август идома ёфта, санаи 16 август то 30 сентябр онҳо дар кумита ва комиссияҳои соҳавӣ фаъолият мекунанд.
Мувофиқи регламенти палатаи поёнии парлумони Тоҷикистон, иҷлосияи чоруми палатаи поёнии парлумони ҷумҳурӣ даъвати панҷум аввали моҳи октябри соли равон ба кор шурӯъ мекунад.
Президенти Тоҷикистон ба даъвати иҷлосияи ғайринавбатии парлумони кишвар дар давраи рухсатии вакилон ҳуқуқ дорад.
