Чемпиони Тоҷикистон дастаи футболи «Истиқлол» мусобиқаи даври гурӯҳии Ҷоми Конфедератияи футболи Осиё (КФО)-2018-ро бо ғалаба бар дастаи «Аҳал»-и Турмкманистон оғоз кард.
Бино ба иттилои сомонаи расмии Федератсияи футболи Тоҷикистон, вохӯрӣ рӯзи 7 март дар Варзишгоҳи марказии Ҳисор доир гардида, бо ҳисоби 1 бар 0 ба фоидаи соҳибони майдон анҷом ёфт.
Дар ин бозӣ 11 ҳазор нафар мухлисон ҳузур доштанд. Голи ягона дар дақиқаи 25-ум вориди тӯри меҳмонон шуд. Баъди партофти Нозим Бобоҷонов легионери беларусии «Истиқлол» Николай Зенко ба дарвозаи ҳариф зарба зада, дарвозабони «Аҳал» тӯбро баргардонид, вале он ба пойи ҳимоятгари дастаи «Аҳал» бархӯрда, вориди дарвоза шуд.
Дар бозии дигари гурӯҳи «D» дастаи «Олтин Асир»-и Туркманистон дар меҳмонӣ бар дастаи «Олой»-и Қирғизистон бо ҳисоби 6 бар 3 пирӯзӣ ба даст овард.
Бозиҳои давраи дуюми Ҷоми КФО-2018 дар гурӯҳи «D» рӯзҳои 13 ва 14 март баргузор мешаванд. «Истиқлол» санаи 14 март дар Балканобод бо тими «Олтин Асир»-и Туркманистон бозӣ карда, як рӯз пеш, 13 март «Аҳал» дар Ашқобол «Олой»-и Қирғизистонро қабул мекунад.
