Сарвазири мамлакат Қоҳир Расулзода тасмим гирифтааст аз ҳисоби худ ва аъзои оилааш 5 километр роҳҳои мошингарди ҳудуди зодгоҳи худ – ҷамоати деҳоти Хистеварзро таъмир намоянд.
Бино ба иттилои дафтари матбуоти раиси вилояти Суғд, аввали ҳафта Қоҳир Расулзода шахсан дар маросими оғози корҳои мумфаршкунӣ дар чанде аз кӯчаҳои ин ҷамоат иштирок кард.
Ғайр аз ин, аз ҳисоби воситаҳои шахсии сарвазир яке аз кӯчаҳои ҷамоати Хистеварз ба таври замонавӣ чароғон мегардад.
Қоҳир Расулзода 8 марти соли 1961 дар ҷамоати Хистеварзи ноҳияи Бобоҷон Ғафурови вилояти Суғд ба дунё омадааст.
Аз моҳи декабри соли 2006 то моҳи ноябри соли 2013 вазифаи раиси вилояти Суғдро ба уҳда дошт.
Санаи 23 ноябри соли 2015 Қоҳир Расулзода сарвазири Тоҷикистон таъин шуда, дар ин мансаб Оқил Оқиловро иваз намуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
