Дар ин бора байни Вазорати саноат ва технологияҳои нави Тоҷикистон ва ҶДММ “Ширкат оид ба захираҳо Тибет – Эверест” Ёддошти тафоҳум ба имзо расид.
Бино ба иттилои дафтари матбуоти Вазорат, баъди мавриди истифода қарор гирифтани корхона дар асоси захираҳои конҳои амалкунандаи ҶДММ “Ширкати куҳӣ саноатии Тоҷикистону Хитой, истихроҷ ва коркарди маъдан аз 2,5 млн. тонна дар як сол то 6 млн. тонна дар як сол афзоиш дода мешавад.
Дар Вазорат қайд мекунанд, ки бо ин мақсад, корхона барои ворид намудани технологияи пешрафтаи соҳаи металлургӣ ҷиҳати ба роҳ мондани истеҳсоли маҳсулоти ниҳоӣ дар намуди сабиқаҳо, ки дорои арзиши баланди иловашуда мебошанд, чораҷӯӣ менамояд.
Гуфта мешавад, ин иқдом барои расидан ба ҳадафи чоруми стратегии Ҳукумати Ҷумҳурии Тоҷикистон, саноатикунонии босуръат, баланд бардоштани дараҷаи некуаҳволии аҳолии мамлакат мусоидат намуда, инчунин заминаи устуворро барои зиёд намудани пардохтҳои андозӣ фароҳам меоварад.
Зимнан зикр мегардад, ки барои азнавсозии иқтидорҳои нави истеҳсолӣ ва сохтмони иншоотҳои лоиҳавӣ, аз ҷониби муассиси ҶДММ “Ширкати куҳӣ саноатии Тоҷикистону Хитой”, ҶДММ “Ширкати оид ба захираҳо Тибет – Эверест” дар ҳаҷми 30 млн. доллари ИМА сармояи хориҷӣ ҷалб карда мешавад.
Ёдрас мешавад, ки санаи 15 июни соли 2019 зимни сафари расмии Раиси Ҷумҳурии Халқии Хитой ба Тоҷикистон дар бораи ҳамкорӣ байни Вазорати саноат ва технологияҳои нави Ҷумҳурии Тоҷикистон ва ҶДММ “Ширкати оид ба захираҳо Тибет – Эверест” (муассиси ҶДММ “Ширкати куҳӣ ва саноатии Тоҷикистону Хитой”) доир ба таъсис додани корхонаи коркарди металлҳои нодир ва ранга ва лоиҳаи такмили тағйири саноати металлургияи рангаи Ҷумҳурии Тоҷикистон” Ёддошти тафоҳум ба имзо расонида шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
