Имрӯз, 13-уми декабр дар қисми низомии 45025-и Кумитаи ҳолатҳои фавқулода дар ноҳияи Бобоҷон Ғафурови вилояти Суғд маросими тантанавии савгандёдкуии наваскарони тирамоҳи соли 2019 ба хизмат даъватшуда баргузор шуд.
Раиси кумита генерал-майор Рустам Назарзода бо волидони сарбозон суҳбат ороста, қайд кард, ки “хизмати ҳарбӣ ба Втан вазифаи муқаддаси ҳар як шаҳрванди кишвар аст”.
Волидони сарбозони тоза ба хизмати ҳарбӣ даъватшуда бо шароити будубош ва хизмати фарзандони худ шинос шуданд.
Ҳамчунин наваскарон якчанд машқи чӣ гуна наҷот додани одамонро дар ҳолатҳои фавқулода намоиш доданд. Ҳамчунин намоишгоҳи асбобу лавозимоти кор зимни ҳолатҳои фавқулода ташкил шуда, дар фарҷом барномаи фарҳангӣ намоиш дода шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
