Президенти Тоҷикистон Эмомалӣ Раҳмон 5 октябр пас аз иштирок дар маросими ифтитоҳи як қатор иншоот дар шаҳри Кӯлоб дар чорабинии фарҳангӣ ба ифтихори 30-солагии Истиқлолияти давлатии ҷумҳурӣ иштирок ва суханронӣ кард.
Бино ба иттилои хадамоти матбуоти сарвари давлат, зимни суханронӣ президент таъкид дошт, ки дар даврони соҳибистиқлолӣ бо дастгирии пайвастаи oукумати мамлакат барои таъмин намудани рушди устувори соҳаҳои мухталифи иқтисодиёти вилояти Хатлон ва беҳтар сохтани шароити зиндагии сокинони он аз ҳисоби ҳамаи сарчашмаҳои маблағгузорӣ беш аз 62 млрд сомонӣ равона гардидааст.
ИЗОБРАЖЕНИЕ
Эмомалӣ Раҳмон изҳор намуд, ки дар солҳои соҳибистиқлолӣ дар вилояти Хатлон беш аз 80 лоиҳаи сармоягузории давлатӣ ба маблағи 15 млрд сомонӣ амалӣ гардида, ҳоло татбиқи боз 39 лоиҳаи дигар идома дорад, ки дар доираи онҳо то ба имрӯз 5,8 млрд сомонӣ аз худ карда шудааст.
ИЗОБРАЖЕНИЕ
Инчунин, дар ин давра ба вилоят зиёда аз 18,9 млрд сомонӣ сармояи мустақим ҷалб шудааст, ки 11,1 млрд сомонии он сармояи мустақими хориҷӣ ва 7,8 млрд сомонӣ сармояи мустақими дохилӣ мебошад.
Илова бар ин, дар Барномаи рушди иҷтимоиву иқтисодии вилояти Хатлон барои солҳои 2021-2025 амалисозии боз 345 лоиҳаи дигар ба маблағи умумии 7,4 млрд сомонӣ пешбинӣ гардидааст.
ИЗОБРАЖЕНИЕ
Соли ҷорӣ татбиқи лоиҳаи барқарорсозии шабакаи оби нӯшокӣ ва корези шаҳри Кӯлоб ба маблағи беш аз 101 млн сомонӣ оғоз гардид.
“Истифодаи самараноки захираву имкониятҳои мавҷуда ва таъмин намудани пешрафти минбаъдаи иқтисодиву иҷтимоии вилоят, пеш аз ҳама, ба заҳмати содиқона ва азму талоши созанда, инчунин, ҳисси ватандӯстиву ватанпарастии ҳар як роҳбар, шахси масъул, мутахассис ва ҳар як сокини вилоят вобаста мебошад”, – зикр кард президент.
Суратҳо аз хадамоти матбуоти президенти Тоҷикистон
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
