Ба ҳолати моҳи сентябри соли 2024 маоши миёна дар Қазоқистон қариб ду баробар зиёдтар нисбат ба Ӯзбекистон ва Қирғизистон ва чор баробар бештар дар муқоиса бо Тоҷикистон мебошад. Аз рӯи ин нишондод миёни кишварҳои минтақаи Осиёи Марказӣ Қазоқистон пешсаф аст.
Тавре ки Ranking.kz хабар медиҳад, дар ин бора таҳлилгарони Кумитаи байнидавлатии омори ИДМ маълумот додаанд.
Инак, маоши миёна:
Таъкид мешавад, ки агар мақомоти Тоҷикистон соли гузашта индексатсия намегузарониданд, фарқияти байни кишвари пешсаф ва зинаи охир метавонист боз ҳам бештар бошад. Ба туфайли чунин тадбир, маоши номиналӣ тақрибан 25% ва маоши воқеӣ 21,1% афзоиш ёфт.
Ба ҳар ҳол, ин ҷараёни босуръаттарин аст, зеро ҳамсояҳои минтақа низ нишондиҳандаҳои худро баланд бардоштанд, аммо на ба ин андоза.
Аз рӯи андозаи маоши ҳадди ақал, Қазоқистон боз ҳам дар ҷои аввал қарор дорад:
Ин ҷо таҳлилгарон дар бораи Туркманистон низ маълумот пайдо кардаанд ва рақамҳо хеле баланд ба назар мерасанд. Маоши миёна дар сатҳи 1410 манат ё 402,9 доллар қарор дорад. Аммо зикр мешавад, ки мақомоти ҷумҳуриявӣ асъори миллиро бо қурби расмӣ ба доллар табдил медиҳанд, ки беш аз панҷ сол боз дар сатҳи 3,5 манат барои як доллар нигоҳ дошта мешавад.
Аммо тибқи назари коршиносон, ивази манат бо чунин қурб дар дохили Туркманистон амалан ғайримкон буда, мардум метавонанд пулро танҳо бо қурби бозори сиёҳ – 1 ба 19 иваз кунанд. Аз ин рӯ, дар асл, «ҳадди ақалл» дар кишвар аз $74,2 зиёд нест.
Ба киҳо дар Осиёи Марказӣ аз ҳама бештар маош пардохт мекунанд?
Дар мақомоти омор ба кадом касбу ихтисосҳо аз ҳама зиёд пардохт шудани маошро низ мавриди таҳлил қарор додаанд.
Дар Қазоқистон пешсафон кормандони соҳаи молия, суғурта ва саноати маъданканӣ зикр шудаанд. Маош – 1,7 ҳазор доллар.
Дар Тоҷикистон низ кормандони соҳаи молия ва санати коркард зикр шудаанд, аммо андозаи маош зикр нашудааст.
Дар Ӯзбекистон ва Қирғизистон мутахассисони соҳаи IT (технологияҳои иттилоотӣ) ва кормандони соҳаи молия тақрибан 1 ҳазор доллар маош мегиранд.
Навъҳои фаъолият, ки маоши паст доранд, дар тамоми кишварҳои минтақа тақрибан якхела мебошанд. Ба онҳо соҳаҳои маориф, тандурустӣ, комплекски агросаноатӣ ва хизматрасониҳои коммуналӣ дохил мешаванд.
Ниҳоят таҳлилгарон сатҳи афзоиши нархҳои истеъмолиро дар Осиёи Марказӣ аз моҳи январ то октябри соли гузашта ҳисоб карданд.
