Аз 1-уми апрели соли 2025 барои муҳоҷирон дар Русия қоидаҳои нав мавриди амал қарор мегиранд. Кӯдакони онҳо пеш аз қабул ба мактаб акнун аз забони русӣ имтиҳон месупоранд ва ба ронандагон бо шаҳодатномаи ронандагии хориҷӣ лозим меояд, ки сатҳи касбияти худро тасдиқ кунанд. Ғайр аз ин, шумори симкортҳо маҳдуд шуда, мақоми будубоши шаҳрвандони хориҷӣ шадидтар назорат мешавад. Боз кадом тағйиротҳо ҷорӣ шуданд?
Кӯдакони муҳоҷирон бе донистани забони русӣ ба мактабҳо қабул карда намешаванд
Акнун барои қабули кӯдакони шаҳрвандони хориҷӣ ба мактабҳои Русия аз сатҳи донистани забони русӣ имтиҳон (тест) месупоранд. Он дар шакли шифоҳӣ ва хаттӣ баргузор шуда, вале барои хонандагони синфи якум танҳо суҳбати шифоҳӣ кифоя аст.
Агар кӯдак шумори кофии баллҳоро нагирад, ӯро ба таҳсил роҳ намедиҳанд. Такрори супоридани имтиҳон танҳо пас аз се моҳ имкон дорад.
Барои гузаштан тест, аз 5 балли имконпазир 3 балл гирифтан кофист.
Хориҷиён акнун аз 10 симкорт зиёдтар гирифта наметавонанд
Акнун дар Русия барои харидории симкортҳо маҳдудиятҳо (лимитҳо) муқаррар карда мешаванд.
Шаҳрвандони Русия имкон доранд, ки барои як кас на бештар аз 20 симкорт гиранд. Хориҷиён бошанд – на зиёдтар аз 10 симкорт.
Ин маҳдудият барои он ҷорӣ шуд, ки баъзан барои 1 муштарӣ садҳо рақамҳоро ба расмият медароварданд, ки ба қаллобон ҷиҳати истифодаи онҳо дар нақшаҳои гуногун имкон медод. Тибқи маълумоти Хадамоти федералии назорати алоқа, технологияҳои иттилоотӣ ва васоити ахбори омма (Роскомнадзор), то моҳи сентябри соли 2024 24,9 ҳазор нафар зиёда аз 20 симкорт доштанд.
Шаҳодатномаҳои ронандагии хориҷӣ дигар амал намекунанд.
Аз 1-уми апрел шаҳодатномаҳои ронандагии хориҷии касоне, ки аллакай 1 сол ё зиёда аз ин муддат дар Русия тибқи дарёфти шаҳрвандӣ, Ҳуҷҷати иҷозаи зист (ВНЖ) ё Ҳуҷҷати иқомати муваққатӣ (РВП) зиндагӣ мекунанд, ҳукми қонунии худро гум мекунанд.
Барои идомаи ронандагӣ акнун лозим меояд, ки барои гирифтани шаҳодатномаи ронандагии Русия дар БДА имтиҳон супурд ва шаҳодатномаи ронандагии русӣ гиред.
Ин талабот ба шаҳрвандони Русия, ки муддати тӯлонӣ дар хориҷи кишвар иқомат доштану шаҳодатномаи ронандагии хориҷӣ гирифтаанд, низ дахл дорад.
Агар ронанда ҳуҷҷатҳояшро иваз накунад, ба ӯ ҷарима ба маблағи то 15 ҳазор рубл, инчуин маҳрум шудан аз ҳаққи ронандагӣ то гирифтани шаҳодатномаи ронандагии хориҷӣ таҳдид мекунад.
Ғайр аз ин, то 1-уми апрел шаҳрвандони хорҷиӣ бояд будубоши худро дар ин кишвар қонунӣ кунанд. Акнун то 30-юми апрели соли 2025 онҳо бояд мақоми қонунии худро ба тартиб оранд. Касоне, ки ин корро намекунанд, ба рӯйхати шахсони таҳти назорат шомил мешавад, яъне ба онҳо лозим меояд, ки кишварро тарк кунанд.
Агар шумо будубоши худро қонунӣ накунед, шуморо ба "феҳристи шахсони назоратшаванда" ё "рӯйхати сиёҳ" ворид мекунанд. Дар ин сурат, шуморо мушкилоти бақайдгирӣ, маҳдудияти хидматрасониҳо ва ихроҷ аз Русия таҳдид мекунад.
