Ҳамагӣ чанд сол пеш дар Лигаи маъруфи муҳорибаҳои омехта дар ҷаҳон – UFC ягон размикори тоҷик ҳузур надошт. Лекин қариб ҳар кадоме аз онҳо талош доштанд, ки ба он шомил шаванд. Ва бисёре аз онҳо ба он наздик расида буданд, фақат як чизе намерасид.
Баҳори соли 2023 якбора 4 варзишгар аз Тоҷикистон ба UFC шомил шуданд.
Аз он замон Муин Ғафуров аллакай 4 рақобат гузаронида, дар 2-тоаш пирӯз ва дар 2-тои дигар мағлуб шуд. Лоиқ Раҷабов низ 2 ғалаба ва 2 бохт дорад.
Нурулло Алиев дар 1 рақобат ғолиб омада, сипас ҷароҳат гирифт ва муддати тӯлонӣ худро барқарор кард. Чанде пеш дар рақобати 2-юми худ низ пирӯз шуд. Муҳаммад Наимов дар 4 рақобаташ ғолиб омада, дар 1 қувваозмоӣ ба шикаст дучор шуд.
Минбаъд чӣ мешавад? Дар Лигаи маъруфи Дана Уайт тоҷикистониёнро чӣ интизор аст?
“Азия-Плюс” тасмим гирифт, ки дар мавриди мавқеъ ва ҳунарнамоии минбаъдаи ин 4 размикори тоҷик пешгӯии худро манзуратон гардонад.
Муҳаммад Наимов (11-2)
Вазн: нимсабук (66 кг)
Синнусол: 29-сола
Вазъи кунунӣ. Наимов соли 2023 муваффақона ба UFC ворид шуд. То моҳи майи соли 2025 ӯ ба якчанд ғалабаи назаррас (аз ҷумла бо нокаут) ноил гардида, худро ҳамчун зарбазани пуртаҷриба нишон дод. Дар ҳамин ҳол, ӯ ҳам ғалабаҳо ба даст овардаву ҳам ба бохтҳо дучор гардида, дар рақобатҳои асосӣ (мейнкардҳо)-и мусобиқаҳои UFC Fight Night ва PPV дилпурона боқӣ мемонад.
ИЗОБРАЖЕНИЕ Муҳаммад Наимов
Пешгӯӣ. 2025-2026 – Муҳаммад ба устувор кардани мавқеи худ дар 25-гонаи беҳтаринҳо (топ-25)-и дивизион ва “гейткипер шудан” дар сафи 15-гонаи беҳтаринҳо қодир аст.
Шарти пешрафт. Агар маҳораташро дар куштӣ (гӯштин) ва кардио беҳтар кунад, метавонад ба сафи 15-гонаи беҳтаринҳо дохил шавад (мисли Илия Топурия дар замони худ).
Таваҷҷуҳи мухлисон. Байни мухлисони Осиёи Марказӣ ва ИМА (миёни диаспораи тоҷикон) хеле писандида аст, ки ӯро барои тоҷирон (реклама) ҷолиб мекунад.
Эҳтимоли дар ростерси UFC қарор гирифтан дар соли 2026: 85%. (Ростерс рӯйхати размикорони UFC мебошад, ки бо промоушен қарордод бастаанд).
Лоиқ Раҷабов (17-5-1)
Вазн: сабук (70 кг)
Синнусол: 33-сола
Вазъи кунунӣ. Раҷабов дар PFL ҳунарнамоӣ карда, соли 2023 дар UFC бори нахуст рақобат кард, лекин натиҷаҳояш ноустувор буданд. Пас аз рақобати охир UFC ҳоло қарордод бо ӯро дароз накардаст.
ИЗОБРАЖЕНИЕ Лоиқ Раҷабов
Пешгӯӣ. 2025 – ба эҳтимоли қавӣ, созишномаи нав имзо мекунад ва агар ин тавр нашавад, метавонад дар PFL якчанд рақобат гузаронад.
Омили синнусол. Дар вазни сабук размикорон хеле кам дар синни 33-34-солагӣ ба авҷи ҳунарнамоии худ мерасанд, аз ин рӯ, имконҳои ӯ барои ҳунарнамоии дарозмуддат дар UFC кам мешаванд.
Эҳтимоли соли 2026 дар UFC боқӣ мондан: 35-40%.
Муин Ғафуров (18-6)
Вазн: сабуктарин (61 кг)
Синнусол: 29-сола
Вазъи кунунӣ. Ғафуров пас аз ҳунарнамоии ҷолиб дар Contender Series бо UFC қарордод баст. Дар UFC якчанд рақобат гузаронид, лекин натиҷаҳояш ҳоло миёнаанд: ҳам ғалабаву ҳам бохтҳо. Услуби Муин – ҷанговарона ва ҳамлагарона буда, лекин ба ӯ маҳорати ҳимоя аз усули куштӣ (гӯштин) дар сатҳи олӣ камӣ мекунад.
ИЗОБРАЖЕНИЕ Муин Ғафуров
Пешгӯӣ. 2025 – соли муҳимтарин: 1 ё 2 рақобат ояндаи ӯро дар UFC муайян мекунанд. Агар дар соли 2026 ҳимоя аз тейкдаунҳо ва куштиро беҳар кунад, метавонад ба сафи 20-гонаи беҳтаринҳо (топ-20) дохил шавад.
Пешгӯии дарозмуҳлат. Синнусоли ӯ имкон медиҳад, ки боз 3-4-соли дигар рушд карда, ба комёбиҳо ноил гардад.
Эҳтимоли боқӣ мондан дар ростери UFC то охири соли 2026: 75%.
Нурулло Алиев (10-0)
Вазн: сабук (70 кг)
Синнусол: 24-сола
Вазъи кунунӣ. Ҷавонтарин размикор миёни тоҷикон дар UFC мебошад. Услуби ӯро ба Ҳабиби ҷавон монанд мекунанд – куштигирии қавӣ, назорат ва грэпплинг. Яке аз ояндадортарин размикори дивзиони вазни сабук боқӣ мемонад.
ИЗОБРАЖЕНИЕ Нурулло Алиев
Пешгӯӣ. 2025-2026 – дилпурона мавқеи худро дар сафи 25-гонаи беҳтаринҳо (топ-25) мустаҳкам мекунад. Солҳои 2027-2028 – агар пешрафту рушдаш идома ёбад, метавонад ба сафи 15-гонаи беҳтаринҳо ва сипас 10-гонаи беҳтаринҳо низ шомил шавад.
Дурнамои рақобатҳои унвонӣ. Дар дурнамои дарозмуҳлат (4-5 сол) Нурулло байни ҳамаи размикорони тоҷик бо ин синнусол имкони аз ҳама баландтари расидан ба фатҳи қуллаҳои навро дорад.
Эҳтимоли шомил гардидан ба 15-гонаи беҳтарин то соли 2027: 65-70%.
