Намояндагии Вазорати меҳнат, муҳоҷират ва шуғли аҳолии Тоҷикистон дар Русия ба муҳоҷирони тоҷик ҷойи кор пешниҳод кардааст. Ин дархости корфармоён дар ҳудуди Русия будааст ва талаботу шароити он ҳам зикр шудааст.
Дар шаҳри Маскав ширкати ҶДММ "Прогресс М" ба вазифаи сангтарош коргаронро бо маоши аз 60 000 рубл мепазирад. Шахси масъул Амирхон Дадаев (+7 965 176 66 66) буда, ширкат ҳуҷҷатгузорӣ, ҷойи хоб ва ғизои нисфирӯзиро таъмин менамояд.
Инчунин ҶДММ "Вагоноремонтное Депо" дар шаҳрҳои Маскав, Санкт-Петербург, Череповетс, Уфа ва дигар минтақаҳо ба кафшергарон аз 100 000 рубл ва оҳангарон аз 90 000 рубл маош пешниҳод мекунад. Масъули қабул Озод Ташматов (тел: +7 963 975 69 70) мебошад ва коргарон бо ҷойи хоб, ғизо ва ҳуҷҷатгузорӣ таъмин мешаванд.
Ширкати ҶДММ "Экосистемаи Маҳаллӣ" дар шаҳри Маскав боркашонҳоро бо пардохти соатии 230 рубл ва 50 рубл барои ҳар як фармоиш ба кор даъват мекунад, ки масъули он Александр Водолазский (тел: +7 937 639 00 04) аст.
Дар вилояти Маскав, шаҳри Лобня, ҶСК "Петромакс" ба ронандагони мошинҳои боркаш 80 000 рубл маош медиҳад. Масъули қабул Александр Водолазский (тел: 89376390004) аст ва ба коргар ҷойи хоб, бақайдгирӣ ва пардохти патентро аз ҳисоби корфармо кафолат медиҳад.
Дар минтақаҳои дурдасти Русия, аз ҷумла Новий Уренгой ва Салехард, соҳибкори инфиродӣ Хабибулин Руслан Рафаэлевич ба электрикҳо маоши аз 200 000 рубл ваъда мекунад. Масъули қабул Селиванова Марина Владимировна (тел: 89058242303) буда, маблағи ҷойи хоб, патент ва бақайдгирӣ аз ҳисоби ширкат пардохт мебошад.
Дар шаҳру вилояти Маскав ҶДММ "Ук Алянс" ба фаррошҳо аз 80 000 рубл ва коргарони амбор аз 100 000 рубл боло маош медиҳад. Сапронова Кристина Алексеевна (тел: 89773330320) масъули таъмини коргарон бо ҷойи хоб, патент ва бақайдгирӣ мебошад.
КВД "Жилишники ноҳияи Зюзино"-и шаҳри Маскав дарбонҳо ва коргарони умумиро бо маоши аз 60 000 то 70 000 рубл ба кор мегирад. Масъул Антон Юриевич Пошешулин (тел: 84953188636) буда, шароити ҷойи хоб ва пардохти патентро фароҳам меорад.
Ҷамъияти саҳҳомии “Аякс Инжиниринг” дар вилояти Амур ба коргарони умумӣ маоши аз 130 000 рубл пешниҳод намудаааст. Масъул Ирина Алимова (тел: 89858923203) мебошад. Ин ширкат маблағи ҷойи хоб, ҳуҷҷатҳо ва ҳатто парвоз аз Тоҷикистонро то ҷойи корро пурра пардохт мекунад.
Дар шаҳри Маскав ҶДММ “ПЭК” низ коргарони амборро бо маоши аз 70 000 рубл боло мепазирад, ки масъулин Шерхон (тел: 89775507941) ва Зафар (тел: 89296036675) зикр мешаванд ва онҳо коргарро бо ҷойи хобу ғизо таъмин ва маблағи патентро пардохт менамоянд.
Адами ҷойи кор бо маоши хуб дар Тоҷикистон ҳазорон шаҳрванди кишварро ба муҳоҷират бурдааст. Ҳоло наздики 1 млн шаҳрванди Тоҷикистон дар муҳоҷират қарор дошта, сарфи назар аз душвориҳо, дар муқоиса бо Ватан ҷойҳои кории маошаш баландтар пайдо мекунанд.
Ба вижа, дар Русия барои муҳоҷирони тоҷик монеаву душвориҳои зиёди сунъиву қонунӣ вуҷуд дорад. Консепсияи нави сиёсати муҳоҷирати Русия: барои шаҳрвандони Тоҷикистон чӣ тағйир меёбад? Дар ин маводи “Азия-Плюс” маълумоти муфассал гиред.
