Шабакаи Аввали телевизиони Тоҷикистон шоми 6-уми феврал филмеро бо номи “Ривояти Шайх Темур” намоиш дод, ки аз корнамоиҳои Саидмаҳдихон Сатторов, маъруф ба “Шайх Темур” нақл мекунад.
Сайидмаҳдихон Сатторов соли 1950 дар шаҳри Ваҳдат таваллуд шуда ва соли 1986 бо даъвои ҳамсараш, ки духтари 16 соларо барои дуохонӣ наздаш оварда буданд ба занӣ мегирад ва бо ин ҷурм ба ду сол маҳкум мешавад. Баъди адои ҷазо ҷониби Ҳисор кӯч мебандад.
Тавре ровии филм мегӯяд: “Ӯ охири соли 2011 ва аввали соли 2012 худро “Имом Маҳдӣ”, пайғамбари охируззамон эълон мекунад. Ва ҳатто исмашро аз
Темурхон
ба
Саидмаҳдихон
расмӣ месозад”. Ровӣ ҳамчунин идома медиҳад, ки: “ба қавли бародарони ташайюъ
Имом Маҳдӣ
имоми дувоздаҳум буда аз насли Пайғамбар (с) аст. Ва ҳангоми омаданаш қиёмат фаро мерасад”.
Ҳамчунин дар ин барнома руҳшинос
Маҳмуд Кабирӣ
суханронӣ намуда мегӯяд: “Дар ҷамъият “механизм”-ҳое аст, ки агар инсон онҳоро истифода барад метавонад ба равони мардум таъсир расонад. Ва ин як дарвозаест, ки мутаассифона баъзе қаллобон истифода мебаранд”.
Саидмукаррам Абдуқодирзода
, раиси Шӯрои уламои Тоҷикистон мегӯяд:
“Тавре мо дар навор дидем мардум мошинро бӯса доранд. Агар қиёс кунем мошинро ба уштури замони Пайғамбар (с). Дар куҷо ва дар кадом сират омадааст, ки уштури Пайғамбар (с)-ро бӯса мекарданд? Ё пеши пойи пайғамбар (с) саҷда мекарданд?”.
Дар ин навор нишон дода мешавад, ки уламои динии шаҳри Турсунзода
Имомалӣ Шарипов
, имомхатиби деҳаи Қаратоғ,
Аҳтам Ашӯров
, имомхатиби деҳаи Батош,
Қиёмиддин Шаропов,
имомхатиби масҷиди ҷомеаи деҳоти Пахтаобод бо Сатторов Темурхон оид ба амалҳои ӯ аз назари шаръӣ баҳс мекунанд.
Ин руҳониён аз “Шайх Темур” мепурсанд: Дар доираи мазҳаби ҳанафӣ дар бораи пардагузорӣ миёни ду нафар ва суҳбат кардан дар ривоёт омадааст? Шайх Темур ҷавоб медиҳад, ки вақте мо чилла мешиштем ва ман дар паси парда намоз мехондам. Мухотабони “Шайх Темур” мегӯянд: масъалаи чилла дигар аст. Мардум барои тӯмор гирифтан ё зиёрат ба назди Шумо мерафтанд Шумо аз паси парда бо онҳо гуфтугӯ меардед. Оё ягон ҳадис дар ҷойе гуфта шудааст? “Шайх Темур” посух медиҳад, ки: “ман дар ягон ҳадис надидам, ки мард бо мард аз паси парда гап зананд”.
Ровии барнома мегӯяд: “Имоми навбаромад шахсонеро, ки фармудаҳои ӯро гӯш намекарданд тавассути муридонаш зери лату кӯб мегирифт”.
Ҳамчунин аз чанд собиқ сокинони маҳаллаи Сангмела мисол оварда мегӯяд онҳо хонаҳои худро гузошта аз деҳа кӯчидаанд.
“Муридонаш то он сарҳади ифрот расидаанд, ки пашму мӯйи шайхашонро муқаддас медонанд, оби таҳорат кардаашро ҷамъ оварда менӯшанд, дасту пой, чарху “капот”-и мошинашро мебӯсанд, домани ҷомаву ҷелакашро ба рӯйи худ мемоланд. Бесаводӣ аз ин бузургтар намешавад инсонҳое, ки то ин дараҷа ҷоҳиланд ва кӯр-кӯрона ба нафаре ибодат мекунанд ҳақиқатан манқуртанд”, мугӯяд ровӣ.
Имомалӣ Шарипов
, имомхатиби деҳаи Қаратоғ дар навор мегӯяд: замоне, ки мо дар як маърака иштирок кардем Шайх дасташонро шӯстанд ва мардум саф кашиданд ва бо навбат ҳамон оби пасмондаи Шайхро нӯшиданд.
Ҳамчунин дар навор иқрори муридон, нишондоди модари ҳамсараш ва завҷаашро метавонед мушоҳида кунед:
Ривояти Шайх Темур
from
1tv.tj
on
Vimeo
.
