Аминҷони Абдуллозода, донишҷӯ аз Тоҷикистон дар хакатон (мусобиқаи нон-стоп оид ба таҳияи маҳсулоти барномавӣ), ки аз ҷониби Microsoft дар ҳамдастӣ бо ташкилотҳои Лаҳистон (Полша) дар Варшава доир гардид, пирӯзӣ ба даст овард.
Бино ба
иттилои
ВАО-и маҳаллӣ, дар муддати 24 соат Аминҷон Абдуллозода барномаи бозии компютериро таҳия намудааст, ки миёни беш аз 25 гурӯҳи таҳиягарон беҳтарин дониста шудааст.
Зимнан зикр мегардад, ки тибқи квотаи ҳукумат Аминҷон Абдуллозода дар курси дуюми Донигоҳи Вистула (Лаҳистон) таҳсил мекунад.
Хакатон (англ. hackaton аз hack (ниг. хакер) ва marathon – марафон) ҳамоиши таҳиягарон мебошад, ки дар ҷараёни он мутахассисон аз соҳаҳои гуногуни таҳияи таъминоти барномавӣ (барномасозон, ороишuарон, менеҷерҳо) ҳамроҳ рӯйи ҳалли кадом як мушкилоте кор мекунанд.
