Душанбе. 5-уми июн. ОИ «Азия-Плюс» – Имрӯз зимни конфронси илмиву амалӣ дар шаҳри Душанбе Консепсияи барқарор сохтани бунёди беморхонаҳо дар Тоҷикистон барои солҳои 2006-2010 баррасӣ мешавад.
Чӣ тавре ки ба ОИ «Азия-Плюс» аз Вазорати тандурустии ҶТ иттилоъ доданд, конфронси мазкур бо ташаббуси вазири тандурустии ҷумҳурӣ Нусратулло Салимов созмон дода мешавад.
Ба иттилои манбаъ, дар кори конфронс сардорони раёсатҳои тандурустии пойтахт ва вилоятҳо, сардухтурони дармонгоҳҳои ноҳияҳои тобеи марказ ва муассисаҳои тиббии сатҳи ҷумҳуриявӣ иштирок мекунанд. «Конфронс бо дастгирии молиявии Маркази идораи лоиҳаҳо дар бахши тандурустӣ барпо гардида, ду рӯз идома меёбад», – афзуданд дар вазорат.
