Душанбе. 11-уми декабр. ОИ «Азия-Плюс» – Дар доираи иҷроиши бурси Фонди каталикӣ Маркази таҳия, нашр ва тақсимоти китобҳои дарсиву дастурҳои илмӣ-методии назди Вазорати маорифи ҷумҳурӣ бо ду автомашина, компютерҳо, техникаи нусхабардорӣ, принтер ва мебел таъмин карда шуд, ки маблағи арзиши умумии онҳо 425 ҳазор сомониро ташкил медиҳад.
Тавре аз маркази мазкур ба ОИ «Азия-Плюс» хабар доданд, чанде қабл анбори марказ низ дар масоҳати 576 метри мураббаъ ба истифода дода шуд, ки барои иҷрои корҳои сохтмонӣ дар он 460 ҳазору 644 сомонӣ мабалғ масраф шудааст.
Ба иттилои манбаъ, қаблан барои нигаҳдории китобҳо анборҳои корхонаву муассисаҳои гуногун ба иҷора гирифта мешуданд. «Акнун дар анбори марказ то 1,5 млн. нусха китобро нигаҳдорӣ кардан мумкин аст», – афзуд манбаъ.
