Хуҷанд. 11-уми декабр. ОИ «Азия-Плюс» – Имсол маблағи хароҷоти хизматрасонии қитъаи дар ноҳияи Айнӣ воқеъбудаи роҳи мошингарди Душанбе-Хуҷанд 30 дарсад афзуд.
Тавре сардори муассисаи давлатии истифодабарии роҳҳои мошингарди ноҳияи Айнӣ Садриқул Шербӯтаев ба ОИ «Азия-Плюс» хабар дод, соли ҷорӣ аз буҷа ба муассисаи мазкур 300 ҳазор сомонӣ маблағ ҷудо гардидааст, ки нисбат ба соли гузашта 80 ҳазор сомонӣ бештар аст. «Ин имкон дод, ки дар фасли зимистон барои таъмини ҳаракати нақлиёт, аз ҷумла дар ағбаи Шаҳристон беш аз 1 ҳазор метри мукааб хок захира карда шавад», – гуфт ӯ.
Ба иттилои манбаъ, барои таъмини мунтазами корҳо дар қитъаҳои роҳи ноҳия 12 метри мукааб ҳезум, 5 тонна ангишт ва 2 тонна маводи сӯзишвории дизелӣ низ захира шудаанд.
С.Шербӯтаев мегӯяд, ки захираҳои мавҷуда имконият медиҳанд, ки то ахири сол дар
113 километр
қитъаи роҳи душвортарини шоҳроҳ ҳаракати нақлиёт мунтазам таъмин карда шавад. «Соли оянда боз афзоиши маблағгузорӣ ба нақша гирифта шудааст», – афзуд раиси муассиса.
