Душанбе. 4-уми декабр. ОИ «Азия-Плюс» – Имрӯз дар шаҳри Хелсинки ҳайати намояндагони Тоҷикистон таҳти сарварии муовини аввали вазири умури хориҷии ҷумҳурӣ Абдулло Юлдошев дар мулоқоти дурӯзаи вазирони умури хориҷии кишварҳои узви Созмони амният ва ҳамкории Аврупо иштирок мекунад.
Тавре Давлат Назриев, раҳбари департаменти иттилооти Вазорати умури хориҷии ҷумҳурӣ ба ОИ «Азия-Плюс» хабар дод, намояндагони 50 кишвари узви САҲА масъалаи ҳалли танзими ихтилофот миёни кишварҳои созмонро тавассути гуфтушунид мавриди баррасӣ қарор медиҳанд. «Дар доираи ин чорабинӣ ҳамчунин ҳайати ҷумҳурӣ бо як қатор намояндагони ҳайатҳои кишварҳои узви созмон дидору гуфтушунид хоҳад кард», – афзуд манбаъ.
