Душанбе. 31-уми октябр. ОИ «Азия-Плюс» –
Имрӯз дар Агентии назорати маводи мухаддири кишвар ҷаласаи гурӯҳи кории Шӯрои ҳамоҳангсозии раҳбарони мақомоти салоҳиятдор оид ба мубориза алайҳи гардиши ғайриқонунии маводи мухаддири кишварҳои узви Созмони аҳдномаи амнияти дастаҷамъӣ оид ба ҳамкорӣ дар бахши фаъолияти фавриву ҷустуҷӯӣ баргузор гардид.
Тавре аз агентии мазкур ба ОИ «Азия-Плюс» иттилоъ доданд, дар ҷараёни нишаст масоили ворид намудани тағйирот ба ҳайати гурӯҳи корӣ, иҷрои нақшаи фаъолияти гурӯҳи корӣ оид ба ҳамкорӣ дар самти фаъолияти фавриву ҷустуҷӯӣ барои соли 2008, инчунин тарҳи нақшаи гурӯҳи корӣ барои соли 2009 мавриди баррасӣ қарор гирифт.
