Душанбе. 5-уми август. ОИ «Азия-Плюс» – Сатҳи таварруми баландтарин миёни кишврҳои узви Иттиҳоди Давлатҳои Мустақил (ИДМ) дар Тоҷикистон ба қайд гирифта шуд, ки мувофиқи маълумоти Кумитаи байнидавлатии омори ИДМ ба 28,8 фоиз расидааст.
Сатҳи таваррум дар кишварҳои дигари ИДМ ба тартитби зайл аст: Украина – 26,4; Қирғизистон – 25,6; Озарбойҷон – 20,2; Қазоқистон – 19,1; Молдова – 15,5; Белорус – 14,2 ва Гурҷистон – 11,4 фоиз.
Сатҳи пасттарини таваррум дар Арманистон (11,4 фоиз) ба қайд гирифта шудааст.
Қобили зикр аст, ки тибқи маълумоти Кумитаи давлатии омори Тоҷикистон дар шаш моҳи соли ҷорчӣ сатҳи таваррум дар ҷумҳурӣ 8,28 фоизро ташкил додааст.
Суръати моҳонаи таваррум дар бахши истеъмолӣ дар ин давра 1,38 фоизро ташкил додааст ва ин дар ҳолест, ки дар ҳамин давраи соли гузашта он ба 0,58 фоиз баробар буд.
