Душанбе. 3-юми сентябр. ОИ «Азия-Плюс» – Имрӯз дар Душанбе дар мавзӯи «Саҳми занони вакили парлумон дар рушди ҷомеа» конфронс доир мегардад. Дар ин бора ба ОИ «Азия-Плюс» ёвари раиси Маҷлиси миллии Маҷлиси Олии Ҷумҳурии Тоҷикистон оид ба робита бо намояндагони васоити ахбори умум ва созмонҳои ҷамъиятӣ Шавкат Саидов хабар дод.
Ба иттилои манбаъ, дар кори конфронс занони вакили парлумон аз кишварҳои Осиёи Марказӣ иштирок мекунанд. «Дар муддати ду рӯз иштирокдорони конфронс маоили нақш ва саҳми занон дар рушди ҷомеа, парламентаризм ва тавсеъаи ҳамкориҳову табодули таҷриба миёни кишварҳои минтақаро дар ин маврид баррасӣ хоҳанд кард», – изҳор дошт манбаъ.
Зикр гардид, ки конфронс бо ташаббуси палатаи болоии парлумони Тоҷикистон доир мегардад.
